Lunglei mipui rilru kan hliamnaah thupha kan chawi – Lalruatkima

Lunglei mipui rilru kan hliamnaah
thupha kan chawi – Lalruatkima
Lunglei mipui rilru an lo hliam tawhna zawng zawngah thupha an chawi tih MNF minister Lalruatkima chuan a sawi.
Thawhtannia Lungleia Municipal inthlan tura campaign kharnaah MNF adviser Lalruatkima chuan, theih ang angin Lunglei mipui tan hma an la ve thin nia an inhre chungin, kawng hrang hrangin Lunglei mipui duhkhawp an ni lo tih an inhriat thu a sawi a. “Lunglei mipui rilru kan lo hliam tawhna zawng zawngah Pathian hmingin thinlung takin thupha kan chawi a. Kan hliam hluite dam se kan va ti em,” a ti.
Lunglei changkang zawk leh hmasawn zawk dinpui turin Lunglei mipui zawng zawng an sawm tih a sawi bawk.
“Leitlangpuiin khawvel zau zawk el pha tura rahbi thar a chhuankaina tur Lunglei Municipal Council inthlanah hian Mizorama sawrkar mek, LMC dintu, MNF party vote vek turin kan sawm che u a ni,” Lalruatkima hian a ti.