Sample 572-ah hri vei zat panga
Nikum kum chawhnu lam atangin Mizoramah Covid-19 hrileng a zia a, vawiin thlengin vanneihthlak takin a la zia zel. Kuminah hri vei hriatchhuah an awm meuh lo a, vanneihthlak takin nunna chan an la awm lo bawk.
IDSP te’n an chhinchhiah danin, March ni 27 thleng khan Mizoramah sample 572 endik a ni tawh a, mi pangain hri an kai tih hriatchhuah a ni.
Mizoramah hun engemaw chen hri vei an awm lo a, December ni 12-a hriatchhuah a nih hnuah hriatchhuah an awm lo char char a, February ni 28-ah pakhar hriatchhuah a ni. Chumi hnuah March ni 1-ah pahnih hriatchhuah an ni a, ni 3-ah pakhat, ni 8-ah pakhat hriatchhuah a ni. Chumi hnu-ah March ni 27 thlengin hriatchhuah an awm rih lo.
Nikum December ni 16-ah khan Mizoramah Covid-19 hri vei an awm lo a, kha kha ni 927 hnua hri vei an awm loh vawi khatna a ni.
Covid-19 chungchanga sorkar thupuangtu Dr Pachuau Lalmalsawma chuan hrileng a zia thu a sawi a, tuna Mizoram dinhmun a lawmawm thu a sawi bawk.
Hri vei an awm leh hi a mak lo tih a sawi a, “a mawng khal” tia sawiin, hetianga hriatchhuah tur hi chu awm tura ngaih sa a nih thu a sawi.
Kum nga kum ruk liam taa hrileng te pawh tun hnaiah hmuh tur a awm leh thin tih a sawi a, chutianga chambang chu a awm thin a ti.
March ni 24, 2020-ah Mizoramah a vawi khat nan hri vei an awm a, ani hi damdawi ina enkawl niin, May ni 5, 2020-ah enkawl dam hmasa ber niin damdawi in atangin a chhuak a ni. Chumi hnuah hri vei an awm zui lo a, June ni 2, 2020-ah mi 12 hriatchhuah an ni.
Sample 572-ah hri vei zat panga
Get real time updates directly on you device, subscribe now.