Sazaikawn Lungleia District Museum building sak mek chu Nilaini khan Art & Culture director Carol VLMS Dawngkimi chuan a tlawh.
Lunglei District Museum sakna’n hian sawrkar laipui Ministry of Culture chuan cheng nuai 827 tumin, state sawrkarin nuai 91.91 a tum a, tuna thawh chinah nuai 620.41 hman tawh niin, final installment nghah mek a ni.
Building sak hna hi Okahito Consultancy Services Khatla Aizawl-in a thawk a, Zopa chhiara chhawng thum niin, sak zawh tep a ni tawh. Museum-ah hian gallery hrang hrang siam niin, heng zingah hian Lunglei district history tarlan theihna tur pawh dah tum a ni.
Arts & Culture director chuan Lunglei district huamchhunga mimal, chhungkua, pawl, kohhran leh sawrkar office hrang hrangten district history tana pawimawh thil hlu kawl an neih chuan museum-ah tlawmngaia dah turin a ngen a. Mizo hnam tana pawimawh leh hlu nei leh kawlten Lunglei District Museum-a dah thei tur hian ngaihtuahna seng a, lo inruahman lawk tura a duh thu leh donate-tute hming chu tarlan tel reng tawh tur a nih thu a sawi a ni.
Lunglei museum sak mek tlawh
Get real time updates directly on you device, subscribe now.
Prev Post
Next Post