Lunglei ni 100 inhlawhna atan
budget-a dahfel a ni – MNYF
Municipal Council enkawlna hnuaia awm hnu ah pawh Lunglei mipuiin ni 100 inhlawhnaah an kalpui zel theih nan state sawrkarin budget-ah a dah fel tawh niin MNF Thalai chuan an sawi.
Inrinni khan MNF Thalai buatsaihin Lunglei hmun hrang hrangah vantlang inkhawm neih a ni a. Heta thusawitute sawi langsar zingah, Municipal Council chu Lunglei mi hmasate leh tlawmngai pawl hrang hrangin an lo dil tawh thin thu te, MNF sawrkarin Lunglei mipui hmasawnna tur a duhsak vangin a tihhlawhtlin sak tak thu leh, thuam famkima thuam tum a nih thu te sawi a ni.
Lunglei khawpuiin mahni puala budget a nei ve tur chu eptu party thenkhatin an itsik emaw tih turin Lunglei mipui tihhnualna turin LMC budget a tlem tia an sawi thin thu te sawiin, heng mite hian Lunglei mipui bumna’n mipui hnenah thudiklo an thehdarh thu te, Lunglei khawpuiin state sawrkar nen tangdunin a inenkawlna tur budget a siam ve tan dawn tih te sawiin, ‘Budget siam theitu tur leh pass thei turte thlangchhuak turin Mizoram sawrkar chuan hma a la mek a ni,’ a ti.
Lunglei khawpui dinhmun tha zawka siam tura MNF sawrkarin hma a lak te sawi a ni a. Municipal Council inenkawlna hnuaia awm tur mah ni se, mipuiin ni 100 inhlawhna (MGNREGS) an kalpui zel theihna’n MNF sawrkar chuan budget-a a dahfel tawh thu te sawi a ni bawk.
SEDP sem kawngah pilot project hnuaia vawk vulhtu chhungkaw 300 chuang hnenah cheng nuai 3 pek a nih tawh thu te, chhungkaw 60000 hnenah tanpuina Rs. 50000 sem mek a nih bakah 2nd phase atan chhungkaw 60000 chuang hnenah SEDP Rs. 50000 sem tura hma lak a nih thu leh, SEDP cheng nuai 3 aia tlemlo an dawn vek theihna’n sawrkar chuan tanpuina kalpui zel tum a nih thu te an sawi.
Lunglei ni 100 inhlawhna atan budget-a dahfel a ni – MNYF
Get real time updates directly on you device, subscribe now.