Thudik hmanga politics khel turin
Pu Duhoma kan ngen – BJP Thalai
ZPM MLA Pu Lalduhoma chu thudik chauh hmanga politics khel ve tur leh mipui bum tawh lo turin an ngen tih BJP Mizoram Thalai chuan an sawi.
BJP Mizoram Thalai Hqrs thuchhuak chuan, MADC huamchhunga VC inthlan neih tura Siaha-a a campaign-naah ZPM leader Pu Lalduhoma hian ZPM hming behchhana campaign angin BJP a puh tih sawiin, hei hi dawt a nih thu a sawi a. BJP-in ZPM hming lama campaign-na an nei a nih chuan, a hmun leh khua sawichiang turin an phut tih a sawi.
Mizoram mipui chu Prime minister scheme hrang hrang behchhana thingtlang mite bum fo thin a ni zawk tiin, ‘FPO (Farmers Production Organisation) kaltlanga BJP-in thingtlang kuthnathawktute hamthatna PM scheme tha tak kan neihte hi ZPM party hmalakna tur ang hrima mipui hmaa sawi sawi ve tawh lo turin kan ngen a. Hei leh chen arkhawthim daia Mizoram tana a lo vahvaih tawhna hi kan zah rualin, thudik hmang chauha politics khel a, mipui bum tawh lo turin kan ngen a ni,’ thuchhuak hian a ti.
Thudik hmanga politics khel turin Pu Duhoma kan ngen – BJP Thalai
Get real time updates directly on you device, subscribe now.
Prev Post