Lunglei Municipal Council inthlan tura boruak siam tuma kal chief minister Zoramthanga chuan Lunglei mipui tan thudik leh rintlak pakhatmah sawi loin a haw leh tih Congress Legislature Party leader Zodintluanga chuan a sawi.
Thorang bialtu MLA Zodintluanga hian a bial a fannaah thu sawiin, tunhnaia MNF president Pu Zoramthanga’n Lunglei Municipal Council inthlang tura boruak siam tuma Lunglei a tlawh tumin thil sawi fuh theih a nei loa, Lunglei mipui tan thudik leh rintlak pakhatmah sawi loin a haw leh niin a sawi.
A bial chhunga Congress sawrkarin NLUP hnuaia hmunphiah ching tur an thlanten tun dinhmuna cheng nuai 500 chuang man an hralh bakah hralh tur thahnem tak an la nei chu lawmawm a tih thu a sawi bawk.
Nikum lama MNF sawrkarin SEDP Rs.25000 a sem dawngtu tam zawk chuan an hman zawh tawh thu leh hlawhtlin pui chu sawi loh hlawhtlin pui ngaihna a awm loh thu te, a semtu MNF sawrkarin miretheite leirem rahna tur lam an ngaihtuah tak tak loh thu te a sawi a ni.
ZPM chuan Mizoram khaw hrang hrangah bel ruak ring tak takin an vawri mek tih MPCC treasurer Zodintluanga hian a sawi a. “An bel ruak kenkual hi vaw sawi zo pawh an awm loa, anmahni suihkhawmtu hruihrual a dul tawh lutuk a, suih mar sak an chakawm lek lek thin zawk,” a ti.
Chief minister atana an hmatheh ber chu an party hruaitu lawkte lal dan indawt an tarchhuah zingah a lang pha ve loa, an kalphung thar chu anmahni ZPM mi leh sa tlemte te ngei pawhin sawichhawn ngaihna an hre lo tiin a sawi bawk.
Lunglei tana thu rintlak sawi nei loin CM a haw – CLP leader
Get real time updates directly on you device, subscribe now.
Prev Post