Lungleiah Science Camp neihpui

Lungleiah Science Camp neihpui
Mizoram Science Society (MSS) leh Directorate of Science & Technology hnuaia Lunglei Science Centre tangdun chuan December 12-13 chhung khan Lunglei Science Centre, Zohnuaiah Winter Basic Science Camp an hmang. Camp hi PHE department hnuaia Project Management Unit bultuma neih a ni.
He Camp-ah hian Lunglei leh a chhehvela school 20 atangin pawl 9 zirlai mi 42 ten ni hnih chhung hun an hmang a. Science discipline hrang hrang atangin Mizorama mithiamte resource person an ni a, science thu ngaihnawm tak tak bakah zirlaiten science zir kawnga harsatna an neih thin leh hriatthiam har topic pawimawh sawifiah a ni.
Winter Basic Science Camp hi Mizoram Science Society hian nikumah pawh lo huaihawt tawhin, zirlaiten an hlawkpui a, naupangte phak tawk mila bawlhlawh paih chungchangah, tui renchem kawngah, ramngaw humhalh leh plastic hman chungchangah video leh slogan hmangin inzirtir a ni.