Lungtianah school kal tur dang Zohmun-in sawrkar nghak leh

Lungtianah school kal tur dang
Zohmun-in sawrkar nghak leh
Zirtirtu transfer avangin Lungtianah school kal tur dan an ni a; zirtirtu neih loh avanga school kal tur dan tum Zohmun chuan sawrkar an ngaichang leh rih.
Lawngtlai district Lungtian khuaa Govt Modern High School mathematics zirtirtu chu Aizawlah sawn a ni a. A thlaktu an la awm bawk si loh avangin mathematics zirtirtu (regular) pe turin sawrkar an lo ngen tawh a ni.
An ngenna hi tihhlawhtlin a nih loh avangin Joint Coordination Committee Lungtian hmalakna in June 9 (Thawhtanni) khan Modern H/S-a zirtirtu leh zirlaite school kal tur chu an dang a. Hei hian awmzia a nei lo a nih chuan June 12 atangin tiamchin awm loin an khaw paltlang BRTF kawngpui dan an tum a ni.
He school mai ni lo, Lungtian khawtlanga zirna in zawng zawng bakah Lungtian khuaa sawrkar office awmte pawh khar a ni tih thudawnna chuan a sawi.
Hetihlai hian tun academic session-a science leh mathematics zirtirtu la nei lo Govt. Zohmun High School-ah heng zirtirtu hi dah phutin Zohmun NGO Coordination Committee chuan hma an lo la tawh a, sawrkar thuneitute hnena an thlenin awmzia a nei thei lo tih an sawi. June 13 hmaa an thil phut tihhlawhtlin an phut a, hemia hmalakna hmasa atan June 9 (Thawhtanni) khan he school-a zirtirtu leh zirlai kal tur dan an tum laiin, sawrkarin kar khat tal nghak tura an ngen avangin an thulh rih a, an inbe mek tih thu dawn a ni.