Macau Open Super 300 tournament:Last 8 lut Sen-a; top seed barakhaihtu Mannepalli

Macau Open Super 300 tournament:
Last 8 lut Sen-a; top seed barakhaihtu Mannepalli
Macau khawpuia Macau Open Super 300 tournament khelh mekah Ningani khan India top shuttler Lakshya Sen chuan second round-ah 21-14, 14-21, 21-17-a world no. 48 Indonesian Chico Wardoyo hnehin quarter-final a lut.
He mi hma lawk hian India badminton player dang world no. 47 Tharun Mannepalli pawhin top seed leh world no. 15 ni bawk Lee Cheuk Yiu of Hong Kong laka 19-21, 21-14, 22-20 hnehna sualchhuakin last eight a lut ve bawk.
Kum 23-a upa Tharun hi rinkai lo zawk ni mah se a career-a a tum hnihna atan Super 300 tournament bikah quarter-final a lut a, a hmasa zawk hi kumin February thla German Open kha a ni.
Quarter-final match pakhatah Tharun hian world no. 87 Hu Zhe An of China a hmachhawn zui leh.
Inkhel dangah Ayush Shetty erawh 18-21, 16-21-in Malaysia player Justin Hoh lakah a tlawm a, men’s singles lamah last 8 a chuangkai zo ve ta lo.
Women’s singles lamah India player Rakshitha Ramraj pawh Busanan Ongbamrungphan of Thailand lakah minute 51 chhungin 21-14, 10-21, 11-21-in a tlawm.
Mixed doubles-ah fifth-seeded Indian pair Dhruv Kapila leh Tanisha Crasto pawh Malaysian pair Jimmy Wong leh Lai Pei Jing lakah 21-19, 13-21, 18-21-in an tlawm ve bawk.
Ace second seeded men’s doubles pair Satwiksairaj Rankireddy leh Chirag Shetty tangdunin Japanese pair Kakeru Kumagai leh Hiroki Nishi an hmachhawn result erawh tarlan hman a ni ta lo.