MADC Budget Session tan
Mara Autonomous District Council Budget Session 2023, ni li chhung awh tur chu Thawhtanni khan MADC chairman N Viakhu kaihhruaiin Siaha-ah neih tan a ni.
Business dang tih hma in, MDC hlui chatuan ram pan ta H Valai leh Hrangduna te sunna hun hman a ni a. Hemi hnu hian business dang chhunzawm nghal a ni.
Tun tum Budget Session-ah hian ziaka chhan chi zawhna – unstarred question 9 leh tawngkaa chhan nghal chi zawhna 33 a awm a. A ni hmasa berah hian zawhna 6 chhan hman a ni. Chawhnu lamah chief executive member M Laikaw chuan 2023- 2024 budget a pharh hnu ah inkhawm tihtawp a ni.
Kum 2023- 2024 budget estimate hi 2022-2023 BE Rs. 17,468.99 aiin cheng nuai 504.49 in a tam a, March 23-ah sawiho a, pass tum a ni ang.
Session kaihruaitu N Viakhu chuan MNF MDC pali-ten BJP an zawm tak avangin MADC sawrkar chu BJP sawrkar hlang a ni tawh tih a puang a ni.
MADC Budget Session tan
Get real time updates directly on you device, subscribe now.
Prev Post