Maharashtra buaina Bench lian zawkah

Constitution Bench chuan Rebia judgement chu Bench lian zawk ngaihtuah turin a dah a, hei hi disqualification notice nei mek Speaker in Tenth Schedule hnuaiah MLA te disqualification petition a ngaihtuah thei em tih dan lama zawhna chungchang a ni.
He thil hi Maharashtra-a tuna Chief Minister ni mek Eknath Shinde leh a thuihhruai te khatih laia Chief Minister Uddhav Thackeray laka hela kum 2022 kum tir lama Maha Vikas Aghadi sorkar tihtluk a nih phahna chungchang a ni a.
Uddhav Thackeray chuan trust vote a hmachhawn loh avangin CM atana dah let leh theih a ni lo tiin Bench chuan sawiin, “Bang lo se la chuan court chuan Chief Minister turin a dah leh thei tur a nia. trust vote neih kha a ban avanga neih a nih loh avangin CM atana dah leh chu ngaihtuah theih a ni lo,” a ti.
Constitution Bench chuan Maharashtra Governor chu rebel MLA Eknath Shinde kaihhruaiin MVA sorkar an thlawpna an hnuhdawhah a inrawlh avangin a tisual a ti bawk a.
“Governor-in politics hnimbuk a tawn tur a ni lo. A office chu constitution duhdana kal tih a hre tur a ni,” tiin Bench chuan a sawi bawk.
Shinde leh legislator 15 te chu khatih laia Deputy Speaker Narhari Zariwal chuan disqualification petition chu Uddhav Thackeray camp kalha an chelh avangin a pe a. Mahse, legislator te chuan Zariwal zawk chu paih a nih theih nan hma an la zui nghal zawk a ni.
Kum 2016 khan Nabam Reia case tihah Supreme Court-in majority judgment a siamah Speaker emaw Deputy speaker emaw paih tuma awm mek chuan legislator te disqualification proceedings a kalpui thei lo a ti tawh a ni.
Constitution Bench chuan Uddhav Theckeray ban hmaa status quo chu kohkir leh theih tawhloh a ti a. Governor chuan Thackeray sorkar chuan confidence a hloh tih object material hmuhtur awm miah lova trust vote a ko chu a tisual a ti bawk a. Chief whip atana Bharat Gogawale ruat pawh dan kalh a ti bawk a. Speaker chuan tunge Shiv Sena party dik tak tih tichiang turin Election Commission thutlukna a nghak tur a ni lo a ti bawk.