World No 13 PV Sin-dhu chuan nimin khan kumin kumtir All England Open round of 32 match pakhata a ngam loh Yi Man Zhang of China lakah phuba lain Malaysia Masters Super 500 tour-nament semi-final a lut.
Kuala Lumpur khaw quarter-final match-ah double Olympic medallist Sindhu hian rim taka thawkin Chinese lakah darkar khat leh minute 14 chhungin 21-16, 13-21, 22-20 hnehna a sual-chhuak hram a, vawiin hmeichhe singles last four inkhel pakhat zawkah seventh seed leh world number nine ni bawk Gregoria Mariska Tunjung of Indonesia a hma-chhawn zui leh ang.
Seeded sixth Sindhu laka tlawm ta Zhang-in kha ranking-ah 18-na niin, England-ah star Indian shuttler hi hneh nawlh mah se nikum Ma-laysia Masters-ah pawh Sindhu bawk hneh loin a lo tlawm tawh a ni.
Indonesia nula Tun-jung chuan vawiin semi-final lama Sindhu hma-chhawn thei turin nimin last eight inkhel dangah rin loh takin second seed Yi Zhi Wang of China chu 21-18, 22-20-in a hneh nawlh a, tour-nament kal laia upset lian ber a ni nghal.
Tunjung hian kumin a khelh that a kaltluanpui mek a, Inrinnia a tum leh tur Sindhu ngei pawh hi kumin April thla mai khan Madrid khawpuia Spain Masters final-ah lo hma-chhawn tawhin, straight games hmangin a tlawm a, Sindhu nen vawiriat an intum tawhah vawikhat chiah la chakin, tuntum pawh hian chak chak zo leh lo tura rin a ni phawt a, mahse, Yi Zhi Wang pawh barakhaih thei a nih miau avangin inbarakhaih a thlentir leh lo ang tih erawh chiang taka sawi dawt ngam a ni lo.
Malaysia Masters mipa singles quarter-final pakhatah India star Kidambi Srikanth erawh minute 57 lek chhungin Indonesian qualifier Christian Adinata lakah 21-16, 16-21, 11-21-in a tlawm thung.
Malaysia Masters semi lut Sindhu
Get real time updates directly on you device, subscribe now.
Next Post