Aizawl Judicial District-a District & Sessions Judge Vanlalenmawia kaihhruaiin Ningani khan District Court Mamitah Under Trial Review & Crime Victim Compensation chungchangah thutkhawm a ni.
District & Sessions Judge chuan under trial jail-a tang mekte an tan hun tur bituk hun chanve aia tam tangte bail-a chhuah an nih theih dan ngaihtuah chu a tum ber a ni tih sawiin, “Case investigation tituten an case chhui chu uluk taka neih thin nise, chutihrualin, judicial lam chuan thil tisualte chu convict zel turin tan kan la thin a ni,” a ti. Tun dinhmunah Mamitah IPC section 436A hnuaia under trial bail-a chhuah mai theih tur chi an nei lo chu lawmawm a tih thu a sawi.
Ningani vek hian Mizoram Victims of Crime Compensation scheme hnuaia application lutte ngaihtuah a ni a. Mamit district-ah hian tunah applicant 20, case hrang hrang awm mekin, chu’ngte chu Committee hian a ngaihtuah nghal a ni.
District & Sessions Judge hian Mamit District Jail a tlawh a. ‘Rights to Prisoners’ tih thupui hmanga awareness programme neih a hmanpui. Senior civil judge H. Lalduhsanga chu resource person niin, Mamit bawrhsap leh SP ten thu an sawi. District Jail-ah hian mipa 44 leh hmeichhia 8 tang an awm a ni.
Mamit Jail-a tang dinhmun enfiah
Get real time updates directly on you device, subscribe now.
Prev Post
Next Post