Mamit NGO-in October 22 thlenga thawh dan thlir ang
Mamit NGO-in October 22
thlenga thawh dan thlir ang
All NGO Mamit leh Commercial Vehicle Association Mamit-in Mamit khawpui kalpawhna kawngpui a chhiat lutuk avanga kawng an dan hnu ah state PWD-in kawngpui thawmthat hna an thawh avang leh an ngenna angin tawpsan lailawk mah se, October 22-a an intiam chin ang an tih loh chuan a tul anga hma lak chhunzawm an la tum tih an sawi.
Tarlan tawh thin angin, All NGO Mamit leh Commercial Vehicle Association Mamit hian Mamit kalpawhna kawngpui hrang hrang chu a chhiat em avang leh, siamtha tura thuneitute an ngenna in awmzia a nei lo nia sawiin, October 16 zing atang khan tiamchin awmloin Mamit kalpawhna kawngpui an dang a; PWD hotuten Mamit leh Dapchhuah inkar chu October 22 ralhma in, lirthei eng chi tan pawha tlan theiha siamtha tura thu an dah avangin, kawngpui dan hi October 18 zan dar 7.00 khan an tawpsan lailawk a ni.
Sawrkar hmalakna enin beisei a phak loh chuan, a tul anga hma lak chhunzawm leh turin thu an thlung lawk tih an sawi a ni.