Mamita tui harsat chhan sawi
Tui bill thar leh Mamita tui harsat chhan inhrilhin Nilaini khan superintending engineer C Lalhmachhuana hoin a kaihhnawih pawl hrang hrangte an thukhawm.
PHE Mamit executive engineer Helen Saibuangi chuan Mamita tui harsatna tlangpui a sawi a. Thla khat chhunga tui semchhuah hman a ni thin lo chu thawktute pawhin pawi an ti a. Tuna Mamita tui pump-na khawl leh a pipe bakah thildangah harsatna a awm thin avangin duh anga tui pump ngah theih a ni. Power supply khaihlak leh su thin chuan tui pump kawngah leh a khawlah harsatna nasa tak a siam thin a, pump thar lei tura hmalakna kalpui a ni, tiin a sawi.
“The Mizoram Water Supplies (Control) Acts 2004 Section 18” in thuneihna a pek angin, tui sem man a bithliah thar chungchang zir ho a ni. Tui bill thar hi litre 5000 chinah Rs. 220-in a pung anga, hei hi rate hmasaa Rs. 200 man chawina thin a ni. Tui litre tam dan azirin rate hi a danglam zel a ni.
Thutkhawmah hian tui harsatna sutkian dan tur sawi ho zui a ni.
SE C Lalhmachhuana hian Greater Mamit Water Supply Scheme part-II hnathawh mek a hmunah enin, contractor hi Gangwal Construction an ni a, hna hi nikum November-ah tanin, 2024 November-a zo tura ruahman a ni. Sum ruahman hi vaibelchhe 40 a ni.
Mamita tui harsat chhan sawi
Get real time updates directly on you device, subscribe now.
Prev Post
Next Post