Manipur BJP MLA 20 te ban inpeih

Union Home Minister Amit Shah-an Ministry of Home Affairs (MHA) chuan Meitei leh Kuki-Zo group te chu a bia ang a tih atanga ni 45 liam hnuah pawh engmah thuthar leh hmalakna a la awm lo va.
Manipur-a Bharatiya Janata Party (BJP) MLA te chuan Union Government thutlukna siam hleihtheihlohna chuan State-ah helna tharthawh nasain dan pawna hnawhchhuah group te chuan mi sum tuk luia chhuhluihna leh arm smuggling an kalpui nasa tawh tiin an sawi.
July 27-a Manipur Governor Anusuiya Uikey, Congress leader Rahul Gandhi-an July 8-a Manipur a tlawha Governor nena an inhmuh hnu lawka sawn a tawh chuan zawhna a siam tam bawk a. Uikey kha Raj Bhavan thla 15 a luah chuhngin Meitei leh Kuki-Zo tena an fak ve ve a ni a. Kuki-Zo leh Meitei community te intihbuai tan May 3, 3023 hma lawka Manipur Governor nihna chelh tan chauh a ni.
June 16 khan Shah chuan Delhi-ah Uikey a hmu a. A tuk lawkah Manipur security dinhmun review meeting a kaihruai zui a, hetah chuan top police, army leh State government officials te an tel a ni.
Meeting zawh hnuah MHA chuan thuchhuah siamin, “Home Minister chuan buaina chinfel nan coordinated approach pawimawhna a hria a. MHA chuan Meitei leh Kuki group te ve vein hnam anga intihbuaina chinfel a nih theih nan hma a la ang,” tiin tarlan a ni.

‘BJP MLA 20 ten ban inpeih’
Paolienlal Haokip, Churachandpur-a Saikot BJP MLA chuan Union government atangin tumahin amah an la be lo a ti a. Civil society group member emaw aiawh emaw te North East a MHA adviser A.K. Mishra nena inbia pawh an la awm lo a ti bawk a.
Imphal valley-a BJP MLA pakhat a hming tarlan duh lo chuan Centre chuan hma a la chak lo a nih chuan legislator 20 ten BJP party chhuahsan an tum tiin a sawi a.
“Tun hnai thla 14 chhungin solution kan la nei thei lo. Home Minister leh Prime Minister tawngka bak engmah inthlak danglam a la awm lo. Manipur mipuite aia pawimawh eng party mah a awm lo va. Party chhuahsan inpeih reng MLA 20 kan awm a ni” tiin a sawi. BJP te hian State Assembly member 60 awmnaah MLA 37 an nei mek a ni.
MLA dang pakhat chuan buaina chu communal color pek mek a ni a ti a. “Tun hnai thla hnih chhungin You Tube leh social media ah te Christian leh Hindu te inbeihna tia video tamtak thehdarhin a awm a ni. He narrative kalpui nan hian sum tumtu an awm a. Kuki-Zo te sakhuana hmun te halin a awm ngei a, chutiang bawkin Meitei te temple, Naga Biak In te pawh halin a awm tho. Heng thilah hian tu nge hlawkna tel le?” tiin a sawi bawk.
Naga Biak In te chu thlurbing bik a ni lo nachungin Meitei community a Biak In te chu Meitei radical group Arambai Tenggol te ang chuan an bei thung a. Arambai Tenggol te hian pre-Hindu Meitei religious identity Sanahahism chu chawinun an tum thung.
June 10, 2023 khan MHA chuan member 51 awmna peace committee Uikey kaihhruai chu a din a, mahse, Meitei leh Kuki-Zo ten an pawm loh ve ve avangin engmah chet lak theih a ni lo.
He committee dina tel Naga community aiawh Newmai chuan committee chu tharthawh leh ni se a duh thu a sawi a. “Manipur buaina ang hian mipuite tan harsatna namen lo a siam a ni mai lo, hmasawnna pawh a tithuanawp a ni. Community tin tena an pawm tlan theih tur Peace committee din ni rawh se. Manipur buaina hi sakhuana nena inzawmna nei a ni lo. Northeast hi India rama region sensitive ber pakhat a ni a, hnam hrang hrang, sakhua hrang hrang leh culture hrang hrang awmna a ni,” tiin a sawi.
Muan Tombing, general secretary of the Indigenous Tribal Leaders Forum, Kuki-Zo body chuan, “A hma khan Centre-a sorkar thar nghakhlel em emin kan awm a, mahse, tun thlengin engmah hmalakna a la awm lo. Ngaihsak loh ni hleah kan inngai” tiin a sawi.
Jeetendra Ningomba, Coordinating Committee on Manipur Integrity (COCOMI) Meitei civil society organisation lian ber aiawh chuan Centre atangin thu leh hla engmah dawn an la nei lo a ti bawk.
July 31 khan Manipur Chief Minister N. Biren Singh chuan State Assembly-ah buaina avangin nunna chan 39 awm tawhin mi 59,414 chu relief camp-ah an cheng mek tiin a sawi.