Manipur CM Biren vangin mobile internet titawp rih

Manipur Chief Minister N Biren Singh-an Churachandpur tlawh a tum avangin mobile internet service te tihtawp vek a ni a. A hma lawkin tharum thawhna a thleng bawk a.
Ningani khan BJP sorkarin reserved leh protected forest survey an neih duh loh lantir nan Chief Minister hun hmanna tura sawi hmun te mipui thinrim ten an suasam tawh a ni.
S. Thienlaljoy Gangte, Additional Deputy Commissioner of Churachandpur district chuan remna leh muanna tichhe thei leh mihring nunna leh property tana him lo awm theih avangin mipui tam punkhawm khap a nih thu a sawi a.
Hei bakah hian thupek chhuah chuan Indigenous Tribal Leaders Forum tean shutdown an kalpui bawk avangin leh social media leh networking site lama inhawrkhawmna awm thei ven nan mobile internet service te tihtawp a ni bawk a. Churachandpur mai bakah Pherzawl district pawh huam telin ni nga chhung mobile internet service hi tihtawp tura tih a ni.
Biden chuan, “He constituency MLA hian air gym hawng turin min sawm a. Mahse, anti-social mi thenkhatten duh lovin an tichhia a ni. Heng mite hi hlauhna kan nei lo va. MLA chuan gym te siamthat a nih hnuah tlawh turin min sawm a ni. Indigenous tribals hi eng nge? An chungchang ka sawi duh lo. Anti-development activity lamah an hmanhlel a ni” tiin a sawi.
Indigenous Tribal Leaders’ Forum hruaitu te chuan BJP sorkar in reserved leh protected forest a survey ch duh lo hlein zing dar 8 atanga tlai dar 4 bandh an huaihawt thung a. Heng forest area-a chengte tribal mi te chu sorkarin nawrchhuah a tum an ti a ni.
Kuki Students’ Organisation te chuan forum te thlawp zawnga thuchhuah neiin tribal te chu nuhrawn enkawl anga enkawl an ni an ti a. Tribal rights namnulna leh sakhua hmun te tihchhiat chu an dem takzet tiin an sawi bawk. Manipur sorkar hian a hmain dan kalha sak tiin Biak In pathum a lo tichhe tawh a ni.
A hnuah court-ah kalin Manipur High Court Chief Justice MV Muralidaran chuan sorkar lam thlawpin thu a nei thung.