Manipur in semi-final an lut
Hmarchhara football In pui pakhat Manipur chuan hmarchhar ram lian Assam chu thawhlehni khan an sawp a, Santosh Trophy 2023-24 semi-final an lut.
Group B-ah tlawm nei lova champion Manipur hian Assam lakah an khel \ha hle a, minute 19 chhungin goal li ngawt an thun hman. Chawlhlawk hmaa goal li ngawt an thun hnuin chawlhlawk hnu lamah goal thum ngawt an thun belh leh a, goal khat chhuah bawk mah se 7-1 ngawtin hnehna an chang a, phu takin semi-final an lut.
Manipur tan hian inelna kal meka che\ha tak Phijam Sanathoi Meetei chuan inkhel \an a\anga minute lina lekah hmahruaina goal a thun nghal. Hma takah goal an thun vangin an phur viau a, inrintawkna sang zawk nen an inlan chhunzawm. Minute 11-naah Wangkheimayum Sadananda Singh chuan an goal hnihna a thun a, an hmahruaina a ti zau. Manipur goal hnihna thuntu Sadananda Singh hian minute 16-naah goal thunin an hmahruaina a tizau a. Minute 70-naah an goal ngana thunin, hattrick a puitlin hial nghe nghe.
Manipur hian an goal thumna an thun a\anga minute thum hnu lek, minute 1-naah penalty an hmu a, penalty hi Ngangbam Pacha Singh chuan harsa lo takin a pet goal a, an goal lina a thun. Minute 19 chhungin goal li ngawt thun mah se Manipur hian chawlhlawk hmain goal dang an thun belh thei lo thung a, 4-0 a hmahruai chungin chawlhlawk an hmang.
Chawlhlawk hnu lamah Manipur an khel \ha chhunzawm viau a, goal thum ngawt an thun belh leh. Si li ngawta hnufual tawh Assam tan hian Joydeep Gogoi chuan minute 64-naah goal a thun tehmial a, an si phurh a sut \hen. Gogoi goal thun vangin phur thar mah se Assam an phur rei lova, goal an chhuah belh leh ta thuai. Minute 70-naah Wangkheimayum Sadananda Singh chuan Manipur goal ngana a thun a. Hemi hnu hian Maibam Deny Singh leh Imarson Meitei ten goal khat ve ve an thun zui leh bawk a. Assam lakah 7-1 ngawta hnehna changin, semi-final an lut ta a ni.
Tarlan tawh angin Fifa Santosh Trophy khelh mekah an che\ha hle a, khelh ruk chhung lawm an nei lo zawn tawh. Group B-ah Mizoram ngei pawh an lo sawp tawh a, tlawm nei lovin quarter-final an lut a. Quarter-final-ah 7-1 ngawtin Assam an sawp zui leh a, champion turin rin an kai deuh deuh zel.