Manipur sorkar hmalakna titawp
turin MP-in centre-ah thlen
Mizoram Rajya Sabha MP K Vanlalvena chuan Ningani khan Union Home minister Amit Shah hnenah leh Union Home secretary Ajay Kumar Bhalla hnenah Manipur-a buaina thleng mek chingfel tura ngenna a thlen.
MP chuan Manipura Mizo hnahthlak hnam hrang hrangten kum tamtak kal tawh atanga vawiin thlenga an luah ram chu Manipur sawrkarin forest reserved atana a puan thar avanga heng buaina hi thleng a nih thu Home minister hnenah hian a thlen a. Manipur sawrkar hmalakna hi sawrkar laipuiin a tih tawp thuai a tul thu leh tihtawp a nih loh chuan North East state hrang hrangah he buaina hi a kangkai thei tih a thlen a ni.
Mizoramah state dang atanga lehkhazir leh hnathawka awm mekte, Manipuri (Meitei) tiamin thlamuang taka an chen theih laiin, Mizo hnahthlak hnam hrang hrangte chu Manipur state chhungah thlaphang takin an awm mek tih K Vanlalvena hian hrilhin, hei hi titawp turin sawrkar laipui chu a rang thei ang bera inrawlh a tul, tiin a thlen.
Manipur sorkar hmalakna titawp turin MP-in centre-ah thlen
Get real time updates directly on you device, subscribe now.