Manoloa Marquz a bang

C Manchester City chuan kum 15 mi Caelan-Kole Cadamarteri chu Sheffield Wednesday atangin £1.5m senga lak fel theih an inbeisei. Cadamarteri hi Everton striker hlui Danny fapa a ni. (Mail, external)

C West Ham chuan Slavia Prague in Senegal left-back El Hadji Malick Diouf hralh tura hmin turin thapui an thawh a ngai dawn. (Guardian)

C Real Madrid manager thar Xabi Alonso chuan Brazil forward Rodrygo chu bul a tan tir thin ngei an tih a tiam thei lo va, hei hian lak tuma hel mektu Arsenal a tiphur thar. Real Madrid chuan Rodrigo hi £70m an chhiar a, Gunners hian tiang zat hian an la ngam dawn em tih erawh a la hriat loh thung. (Mirror)

C La Liga club lian Atletico Madrid achuan Tottenham leh Argentina defender Cristian Romero chu lak fel thuai thuai an duh a, kum 27 mi manah hian £61m sen an inhuam. (AS – in Spanish)

C West Ham chuan Totenham Hotspurs in £50m senga Ghana forward Mohammed Kudus lei an dilna an hnar. (Talksport)

C Manchester United chuan Kum 25 mi Jadon Sancho manah £25m an chhiar a. Italian club lian Juventus chuan Sancho hi an la ngaihven chhunzawm zel. (Corriere dello Sport – in Italian)

C Sancho pawh hian Serie A-ah vawi 36 ngawt champion tawh Juventus zawm a duh ve bawk a, Juventus a zawm theihna tur a nih chuan a hlawh tihniam turin a inhmakhua ve hial bawk. (Eurosport Italia – in Italian)

C Manchester United chuan Aston Villa leh England striker Ollie Watkins an ngaihven a, kum 29 mi chungchangah hian Villa nen an indawr thawi thuak tawh. (Mirror)

C Napoli boss Antonio Conte chuan Atalanta atangin Nigeria forward Ademola Lookman lak a duh. (La Gazzetta dello Sport – in Italian)

C Newcastle chuan Burnley goalkeeper James Trafford chu kar leh tir lamah chuan lak fel theih tawh an duh a. Magpies hi Nottingham Forest nen Swedish winger Anthony Elanga chungchangah an indawr zui zel bawk. (i paper)

C Japan winger Kaoru Mitoma chuan Bayern Munich nen sawizawm ni bawk mah se an hnenah cham chhunzawm zel turin contrac thar ziah a duh tih Brighton a hrilh. (Sky Sports)l

C Sunderland in an dawrna lo pawm tawh bawk mah se Nice goalkeeper Marcin Bulka chuan Saudi Arabian club Neom zawm leh zawk si a tum. (Meczyki – in Polish)

C Sunderland chuan Chelsea leh Serbian goalkeeper Djordje Petrovic lam an hawi a, mah se Aston Villa leh Bournemouth te nen an inchuh ngei a ngaih hmel thung. (Times)

C Black Cats hian Union Saint-Gilloise – DR Congo player Noah Sadiki an hnaih viau tawh bawk. Kum 20 mi hi defence emaw midfield-ah emaw a khel thei. (Sunderland Echo)

C Italy striker Ciro Immobile chuan Turkish club Besiktas-a a contract a titawp a, free transfer in Bologna a zawm thei dawn. (Corriere dello Sport – in Italian)

C Valencia defender Cristhian Mosquera chuan EPL club lian Arsenal zawm ngei a duh vangin a khelh mekna Valencia in contract thar mawm tak an zawrh a hnar. (Las Provincias – in Spanish)

C Wolves defender Nasser Djiga chuan kum February thla atang khan a club thar tan vawi nga chauh a la khel a. Hei vang hian loan in a khelhchhuah ngei hmel a. Scottish club lian Rangers a zawm ngei rin a ni. (Express and Star)