Mara hnam Kut ropui ber ‘Lyuva Khutla’ chu Ningani khan Siaha leh Tipa ah hman a ni.
Tum danga hman thin anga Covid hrileng avanga kum hnih chhung hman a nih loh hnu ah Lyuva Khutla hi kuminah kokim zawkin hman a ni a. Siaha-ah chuan Vaihpi (Vengpui) Field-ah hmangin, Mara Autonomous District Council chief executive member M Laikaw chu Kut Pa a ni a, Tipa-a hmannaah hian MADC executive member T. Seido chu Kut Pa a ni.
Kut hmannaah hian thalaiten Mara hnam lam chi hrang hrang entirin, zaithiamten zaiin mipui an awi a. Kut lawmnaah hian MADC Golden Jubilee lawmna’n ruatbikten Darkhuang vawi 50 vuak a ni a. Mara Thalai Pawl branch 14-in a huhoa Sawlakia entirin Mara Hmeichhe Pawl branch 12-in a rualin costume parade an entir. Vengtin thalai kalkhawm atangin Lyuva Khutla Chhivaw & Khydi (Mis s& Mister) thlan a ni bawk.
Mara Kut ‘Lyuva Khutla’ hmang
Get real time updates directly on you device, subscribe now.
Next Post