Lunglei Municipal Council inthlanah BJP an sawrkar a nih chuan Union Minister of Housing & Urban Affairs chu chah chhuak nghalin, hmaichhanah mipui mamawh thlen nghal theihna tur ruahman tum nghal a ni tih BJP Mizoram chuan an sawi.
BJP Mizoram Pradesh hian Lunglei Municipal Council (LMC) inthlan tura an party official candidate tur mi 11 chu Ningani khan Aizawlah an puang a. A puangtu State vice president R Vanramchhuanga chuan LMC 2023 a an candidate-te sawrkar tha leh langtlang a awm theihna atan vote pui turin a sawm tih a sawi a. BJP candidate-te an thlantlin chuan a rang thei angin Union Minister of Housing & Urban Affairs Hardeep Singh Puri chu chahchhuakin, Lungleiah ngei mipui mamawh LMC member-ten an thlen thei ang tih an tiam. Lunglei mipui, an vote hlu tak hmangin Prime minister Narendra Modi chu an khawpuiah hmasawnna hna a thawh ngei theihna’n leh LMC chu India rama ‘model municipal council’ a nih theihna’n tun inthlan chu hmang tangkai turin voters zawng zawng an ngen tih a sawi.
“Lunglei khawpuia chengte tan kawng tinrenga hmasawnna thlentu a nih ngei kan beiseiin, kan duhsak takzet a. Lunglei mipuiin an khawpui chhung enkawltu tur LMC member tur an thlannaah pawh ngaihtuahna fim, zalen tak an hman kan beisei a, 1st LMC election felfai tak a awm ngei kan duhsak a ni,” BJP State vice president hian a ti.
LMC candidate tur hi zawngtu tur Search Committee dinin, an ni hian Lungleiah kalchilhin, BJP Mizoram Pradesh atanga Municipal Ward tina ding tur a zawng a. An thlanchhuah te chu party State Election Committee-in a thlir nawn hnu ah BJP National president JP Nadda pawmpui atan March 9 khan thawnin, a ni hian a pawmpui ta tih a sawi a ni.
BJP tlin chuan hmaichhanah Union minister-ah thu thlen tum
Get real time updates directly on you device, subscribe now.
Next Post