Triumph chuan an 2023 Triumph Street Triple 765 chu March ni 15 hian India-ah an tlangzarh dawn a, model chi hnih Street Triple R leh RS a awm dawn a, Street Triple R hi Rs 10,00,000 vel man a ni ang a, Street Triple RS chu Rs 12,00,000 man vel a ni ve thung ang.
He motorcycle thar hi a engine an tidanglam a, combustion chamber thar, piston that leh compression ratio sang zawk a nei a, 765 cc engine neiin, Street Triple RS hi 128.2 bp @ 12,000 rpm leh 80 Nm torque @ 9,500 rpm pechhuak thei a ni a, Street Triple R hi 118.4 bhp @ 11,500 rpm leh 80 Nm torque @ 9,500 rpm pechhuak thei a ni ve thung.
He bike thar hian Shift Assist Up & Down Quickshifter system a neih thar bakah IMU-operated cornering ABS leh traction control a nei a, a instrument console a inang lo a, R model hian hybrid LCD/TFT display chauh a neih laiin RS hi chuan full colour 5-inch TFT display a nei a,, R hian riding mode chi li- Rain, Road, Ridet leh Sports mode a neih laiin RS hi chuan heng riding mode te bakah hian Track mode a nei tel thung.
A brake lamah cuan Street Triple R hian Brembo M4.31 4-piston radial monobloc caliper a ke hmaah neiin, a hnungah Brembo single-piston sliding caliper a nei a, RS model hian a ke hmaah Brembo Stylema 4-piston radial monobloc calipers leh twin 310 mm floating disc bakah Brembo MCS master cylinder a nei tel bawk.
March ni 15-ah 2023 Triumph Street Triple 765 tlangzarh dawn
Get real time updates directly on you device, subscribe now.
Prev Post
Next Post