Market thiah lai him lo

Market thiah lai him lo
Lunglei Market and Trade Centre sak tumna, market building hlui thiah mek chu a him loh avangin thuneituten an phal sak bak chu luh khap a ni tawh.
District Disaster Management Authority Lunglei chairman, district bawrhsap Ramdinliani chuan thupek a tichhuak a. Lunglei Market and Trade Centre thar sak turah kumin January 30 khan market hlui thiah tan a ni a, market thiah mekah hian dawrkai/ thlai zuar thenkhat an la thut avangin mipui vantlang tan a him lo hle tih hriat a ni. A hmuna endikna report tarlan danin, market hlui thiahna’na khawl hman hian building thiah hmabak pawh a nghawr che nasa a. Building hlui hi a that tawh loh bawk avangin mipui him zawkna’n fimkhur taka market thiah hna hi kalpui a tul a. Danin thuneihna a pek angin he building hungchhungah hian hnathawktute leh phalna neite bak luh phal a ni lo tih a sawi.