Political leader-ten a mimal
chuan BJP tha an ti – MBJP president
Mizorama political leader tin ten an mimal ngaihdan chuan BJP tha an ti tih an thusawi atangin a hriat theih tih BJP Mizoram president Vanlalhmuaka chuan a sawi.
Thawhtannia an party office-a inkhawmah BJP Mizoram State president chuan Mizorama political leader tin ten an mimal ngaihdan chuan BJP chu tha ti lo an awm lo tih an thusawi tawhte atangin a hriat theih a, nimahse mipui vangin tha an tih te chu tha lo an ti ta mai thin tih a sawi. Chu’ng politician-te chu chinghne beram vun sin ang an ni tiin, “Nakin lawkah chuan Mizoram mipui hian min la fak hun a thleng dawn a. Vawiina dawt hmanga BJP beitute erawh anmahni avanga hun rei tak retheia an awm avangin an la kawk dawn a ni,” a ti.
Kristian te ni pawimawh – Easter Sunday-ah pawh Prime minister dang ang lo takin, India Prime minister nih tlin tak Pu Modi chuan Kristiante zingah inkhawmin India ram chu secular India kan nih zia a lantir tih Vanlalhmuaka hian a sawi a. Congress hunlaia Prime minister-ten an tih ngai loh thil chu Narendra Modi chuan India ram Prime minister a nihna nitin a lang thin tih a sawi. “Mizoram mipui kan harh a hun a, khua kan tlai tawh; kan tlai lutuk hma in kan ram leh hnam leh sakhua a himna’n BJP sawrkar Mizoramah kan neih theihna’n theihtawp chhuah turin kan insawm a ni,” a ti.
Political leader-ten a mimal chuan BJP tha an ti – MBJP president
Get real time updates directly on you device, subscribe now.
Prev Post