Dr Christina Lalruatdiki Hangzo lehkhabu ziah ‘The Oral and Maxillofacial Surgical Art’ tih chu mipui chhiar theih turin Thawhtanni khan MJA Gen. Hqrs. president C. Lalrambuatsaiha’n Aizawl Press Club ah a tlangzarh.
-- Advertisement --
Mizoten kan la neih ngai loh lehkhabu siam a ni chu lawmawm a tih thu MJA president hian sawiin, nghawng chin chunglam taksa siamthatna hi khawvel ram changkang zawkah chuan mipuiin an ngaipawimawhin an hlut a, hetiang medical doctor-te hi an hlawh pawh a tam ber pawl a ni tih a sawi.
Lehkhabu tlangzarhah hian Civil Hospital Aizawl-a thawk Dr F Lalfamkima pawhin thu sawiin, lirthei chetsualna tawkte khabe, hmai, luruh khi thlengin Maxillofacial surgery an tihsak thu te, ka chhung, hmui kak, naute dang kak, khabe tantawi leh hmai chim leh tlum pawh an khawih thin thu a sawi a ni.
He lehkhabu hi Rs.30 man a ni a. Lehkhabu buatsaihtu Dr Christina hian vawiin – February 14 hian a lehkhabu tlangzarh denchhen hian Trinity Hospital Silai Mual Melthumah a thlawnin hetiang lama harsatna nei zai ngaite a thlawnin a zai thei dawn a, a duh apiang tan pan theih a ni tih a sawi.