MBBA Inter District Basketball Tournament Niminah tan a ni

On Oct 21, 2025 7 0

MBBA Inter District Basketball Tournament
Niminah tan a ni
Mizoram Basketball Association (MBBA) buatsaih Inter District Basketball Tournament chu nimin, October ni 20, 2025 hian Champhaia VANIS basketball court-ah khelh tan a ni dawn.
Aizawl atangin inter district tourney champion lai Kicksology, Tuikual South chu an inlan nghal dawn a, Aizawl district aiawhtu tho Mission Vengthlang BC pawhin match an nei dawn bawk.
He inelnaah hian Champhai team pathum; Aizawl team pahnih; Lunglei, Siaha leh Khawzawl atangin team pakhat theuhte’n he intihsiakna hi an hmachhawn dawn.
Inelna hi October ni 24 zan dar 7-ah khelh tura ruahman a ni.
TECHNICAL SECRETARY REPORT FOR ADBBA CUP 2025:

1. Fixture hi tum dangah chuan tournament hma ni 2/3 lek awmah tarlan thin a ni a; court booking, hna atanga chawlh dil etc ahte player-te’n an harsatna tawh thinte hre rengin kan lo inhmakhua theih beiseiin fixture release hma a ni.
3. Tournament hi Court hnihah khelh tur a ni.
5. 3rd – 13th Nov hi Dawrpuiah khelh a ni ang.
6. 11th -15th chhungin Hawla Indoor-ah khelh a ni bawk ang.
7. Division 1 leh 2-te hi League System-in an khel ang.
8. Division 1 team-te hian tournament an khel vek dawn a, team 10 awmin, Group A leh B-ah then an ni ang. Single Round Robin an khelh hnuah Group Winner leh Runner Up ve vete’n Semi Final an khel ang.
9. Division 2 team-te pawhin ADBBA Cup an khel vek dawn a; an vaiin team 16 Division 2-ah hian an awm a; Div 2 hi Group 4-ah then niin, Single Round Robin an khelh theuh hnuah Group tin Winner-te Semi Final-ah an advance ang.
10. Division 1 leh 2 bikah hian thuchhuah siam tawh angin tuna ADBBA Cup hian nakkuma khelh tur Division Screening-ah awmzia a nei dawn a, chuvangin ngaihpawimawh a ngai:
i) Tournament khel lo chu : -1 (Point khat paih)
ii) League match-a vawikhat chak hrim hrimin : +1 (Point khat belh)
iii) Semi Finalists : +2 (Point hnih belh) tur a ni.
11. Division 3-ah hian team 41 affiliate niin, tun tumah hian team 32-te’n ADBBA Cup an khel dawn a; Div 3 chu Knockout-a khelh a ni thung dawn a ni.
12. Division 3 hi kan hriat angin kan chhangchhe deuh a, mumal deuh zawka kumthar lama kan kal theihna’n ruahmanna duan chhin a ni a, ADBBA ECM-in a ngaihtuah hnuah kan la inhrilh leh dawn nia.
13. Tournament-ah hian NIVIA PRO TOUCH INDOOR Ball hman tur a ni ang.
14. Kan fixture kha kan en chuan a khat tha khawp mai a, chuvangin kan innghak vak thei dawn lo a ni tih kha kan inhriattir ni se.