MBJP hruaituten Union MoS hmu
Mizoram tlawhtu Union minister of state for Minority Affairs John Barla chu Inrinni khan BJP Mizoram hruaituten Aizawlah hmu in Manipur buaina chungchangah leh Zohnahthlakte harsatna tawh sutkian kawnga hma lakpui turin an thlen.
BJP Mizoram hruaitute hian Imphal-a Zohnahthlak tangkhangte him taka an awm a, ei leh ina harsatna an tawh lohna’n hma la a, tangkhangte an chenna state-a him taka hruai an nih theihna’n hma lakpui turin an ngen.
Union MoS chuan Zohnahthlak tangkhangte him taka enkawl an nih a, an chenna khuaa hruai haw an nih theihna’n theihtawp a chhuah tur thu leh, Delhi atangin a tul apianga puih a inhuam thu hrilhin, a tul ang zela phone kaltlanga bepawp reng turin a chah.
BJP Mizoram chuan Manipur-a tribal leh non tribal inkara buaina tih reh a nihna tura sawrkar laipui hmalakna chu fakawm a tih thu sawiin, Article 355 an puang nghal chu mipui himna atana pawimawh a nih vangin lawmawm an tih thu a sawi a. Hetihlaia he buainaah Mizoram Congress party-in political issue a lo lakkawih an tum leh party hamthatna atana hman an lo tum chu zahthlak a tih thu a sawi. ‘Chi leh chi inkara harsatna leh buaina a thlen changa political advantage atana lak tum thin party-te hi ram leh hnam hmangaihna tak tak neilo an ni tih an tilang,’ a ti.
MBJP hruaituten Union MoS hmu
Get real time updates directly on you device, subscribe now.
Next Post