MBSE online portal chhawr dan tur zirtir

Mizoram Board of School Education chuan Zirtawpni khan Champhaiah ‘Online Application Software and Integrated Digital Payment System’ tih thupui hmangin training a buatsaih a. High school leh higher secondary school zirtirtu, Champhai leh Khawzawl atangin an tel a ni.
Training-ah hian MBSE online portal thara online registration tih dan, online a exam form fil-up dan, affiliation dil leh fee pek dan bakah thil thar MBSE portal-a awmte zir ho a ni a. Heng bakah hian MBSE-in a hman mek HS leh HSS Integrated Evaluation Scheme chungchang zir ho leh niin, online portal hmanga real time-a internal mark thehluh dan inzirtir a ni.
Training hi Mizoram puma HSLC leh HSSLC Exam Centre leh an feeder school pakhat theuh tan buatsaih a ni a. Training-a kal te hi anmahni huamchhunga training pe theuh thei tura zirtir an ni. Aizawl, Kolasib, Mamit, Serchhip, Sailtual district tan training neih tawh niin Lungleiah Lawngtlai leh Siaha te tan buatsaih a ni bawk.