MDC-in dance competition leh showcase buatsaih dawn

Mizo Dance Camp (MDC) chuan June ni 26-28, 2024 hian Dawrpui Multipurpose Centre-ah dance competition ‘The Main Event’ an buatsaih dawn a, hetah hian ‘Hei Raw Dance Competition,’ ‘Showdown Dance Battle,’ ‘National Dance Workshop’ leh ‘Showcase’ te neih a ni ang.
MDC hi May ni 31, 2014-a din kha niin, kumin hi an kum 10 tlin champha a ni a, a lawmna ni pahfawmin Showcase ropui tak chhawpchhuah an tum a, hei bakah hian Dance Competition leh Showdown Dance Battle-ah hian lâm lama tuite chu tel turin an sawm nghal a, a tel duh te tan MDC social media lamah ngaihven theih a ni.
Kumin hian national dance artiste pahnih Mekhola Bose, Mumbai leh Sammy Hamar, Assam te chu endik tur leh performance nei turin an lokal dawn a, an ni bakah ian Mizo dance artiste hriathlawh tak tak an in lan bawk ang.
MDC Showcase 2024 pual hian Summer Intensive Class chu vawiin June ni 3 atangin tan a ni dawn a. He Intensive Class a zirlai te hi Showcase-ah hian an perform bawk dawn a ni.
Nikum khan MDC The Main Event hi hlawhtling taka buatsaih a ni tawh a. Hmarchhak state hrang hrang atangin dancer an rawn tel thei a, kumin pawh hian state hrang hrang atangin tel tura hming pe an awm nual tawh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More