Rihanna-i’n diamond singles ngah record siam

ds are girl’s best friend’ an tia, Rihanna pawhin Recording INdustry Association of America (RIAA) diamond certified singles a neih belh leh ta a, niminpiah khan a hla pali chuan diamond certification hi hlawh chhuak lehin, tihian diamond certified hla pasarih a nei tling ta a, hmeichhe zaithiam zingah diamond certified hla (singles) ngah ber a ni ta a ni.
RIAA Diamond Certification hi USA a hla emaw album emaw maktaduai 10 chin hralh theih te hnena hlan thin a ni a, Rihanna hian US-a hla maktaduai 10 chin hralh theih pasarih a nei tling ta a ni.
Rihanna hi a fans Navy ten an lawmpui thu an puang deuh mawlh mawlh a, chutih rualin a album thar an nghehhlelh thu pawh an post tel nghal nual a, Rihanna hian a album hnuhnung ber ‘Anti’ a tlangzarh atangin kum riat hmel a hmu ve leh der tawh a, fans lam an khawhar rei deuh ta bawk a ni.
Rihanna hla RIAA Diamond Certification hlawh thei te chu- ‘Umbrella,’ ‘Work’ featuring Drake, ‘Stay,’ ‘Needed Me,’ ‘Diamonds,’ ‘Love the Way You Lie’ featuring Eminem leh Calvin Harris nena an thawh dunna ‘We Found Love’ te an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More