June ni 29 khan Music Domain Mizoram (MDM) General Assembly chu Woodland Hills, Zonuam-ah neih a ni a, 2023-2025 chhunga an pawl hruaitu tur, office bearer an thlang thar a, OB post hi term khat (kum 2) a ni tawh.
MDM chuan an Library-a music video dah tur huang tihzauh nan MDM artiste te’n duet emaw trio emawa MDM artiste ni lote nena music video an siamin, MDM YouTube channel-ah dah theih tawh ni se an ti a, hei hian duet leh trio music video chiah a huam a, mahse, MDM kalphung zawm vekin, music video-ah pawh MDM logo dah tur niin, channel danga upload phal a ni lo ang.
MDM hian YouTube royalty atangin June 2022 leh June 2023 inkarah an hnuaia zaithiamte music video dah te hnenah Rs 4,71,574 an sem chhuak tawh a, royalty atanga an sum sem tawh zawng zawng hi Rs 15,79,029 a tling tawh a ni.
Tunah hian MDM hnuaia inziak lut member mipa 372 leh hmeichhia 369, an vaiin mi 741 awmin, lifetime member panga an nei bawk a ni.
2023-2035 MDM hruaitu tharte chu:
President- Dr. Lalthlamuana
Sr. Vice President- B. Lalsawmzuala (Tea Boitlung)
Vice President- R. Lalbiaksanga
General Secretary- K Lalremruata (KLr Tetea)
Jt. Secretary- Lalnunkenga Chuaungo (Manuna)
Jt. Secretary- R Vanlalchhandama (Adama)
Treasurer- Zonunmawii
Fin. Secretary- TC Maliani
MDM General Assembly-ah hruaitu thlang thar
Get real time updates directly on you device, subscribe now.
Prev Post