Taylor Swift-i’n Australia-ah record a siam

Taylor Swift chuan Australia-ah a Eras Tour neih tur concert ticket pre-sale record a siam hnuah he tour atan hian Australia-ah zan hnih dang atan hun a pek belh leh ta. Swift hian February 2024-ah Australia hi a hrut dawn a, hetah hian Melbourne Cricket Ground-ah February ni 16 leh ni 17 show nei tura a tih fel tawh chu ticket chang lo an tam lutuk avangin ni 18-ah show a pek belh a, he ground hi mi 1,00,000 chuang lenna niin, zan thum a zawna he ground-a concert nei thei hi Madonna chiah a la awm a, ani hian 1993 khan MCG-ah zan thum a zawnin show a lo nei tawh a, chu record chu Swift hian a rawn nih rual dawn ta a ni.
Swift hian Sydney-a Accor Stadium-ah pawh a zawna zan thum show nei tura a tih fel hnuah ticket sales a that em avangin zan khat dan a pek belh leh a, he stadium hi mi 83,000 lenna niin, he stadium-ah hian a zawnin zan li- February ni 23, ni 24, ni 25, leh ni 26-ah show a nei dawn a, he stadium-a a zawna zan li concert nei hmasa ber a ni dawn ta a ni. He stadium hi Stadium Australia ti te pawhin an sawi thin a, 2000 Olympic Games an thlenna hmun kha a ni.