Megan Thee Stallion ‘Hiss’ a lar ber

Megan Thee Stallion hla hit ‘Hiss’ chu kar khat chhunga khawvel huapa hla lar ber niin, Billboard Global 200 chart-ah a No.1, hmeichhe rapper zingah lead role anga he chart-a No.1 ni thei hmasa ber a ni. Hetihrual hian Benson Boone pawh chart top 10-ah a lang e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video services) leh download sales te chu tehna pawimawh a ni.
Megan Thee Stallion ‘Hiss’ hian kar khat chhungin stream maktaduai 39.6 leh download sales 99,000 a nei thei a, hei hi chart-ah a No.1 pui ta a ni. Megan hi he chart-ah hian hmeichhe rapper zingah lead role anga No.1 ni thei hmasa ber a ni a, he chart-a No.1 kai thei hla pahnih a neihna niin, Cardi B nena an thawh dunna ‘WAP’ cu September-October 2020 khan kar thum chung a No.1 tawh a ni.
Chart No.1 hlui Jack Harlow “Lovin on Me’ No.2-ah bawk awm lehin, chart No.1 hlui tho Tate McRae ‘Greedy’ chu No.3 a la ni a, Xavi ‘La Diabla’ chu No.4-ah bawk awm lehin, chart No.1 hlui Ariana Grande ‘Yes, And?’ chu No.1 atangin No.5-ah a tawlh ve thung.
Benson Boone ‘Beautiful Things’ chu No. atangin No.6-ah a invawrh a, Monroe khawchhuak, Benson Boone, kum 21, hi he chart top 10-a a lan vawi khatna a ni.
Billboard Global 200 Top 10:
1 Hiss – Megan Thee Stallion
2 Lovin On Me – Jack Harlow
3 Greedy – Tate McRae
4 La Diabla – Xavi
5 Yes, And? – Ariana Grande
6 Beautiful Things – Benson Boone
7 Lose Control – Teddy Swims
8 Stick Season – Noah Kahan
9 Redrum – 21 Savage
10 Cruel Summer – Taylor Swift