Political party-a inchhunfin thleng mek zelin Meghalaya-ah National People’s Party (NPP) te chuan MLA 28 an nei tling ta a. Tihian NPP te hian Meghalaya Assembly House member 60 awmnaah majority nei thei turin MLA pathum chauh an mamawh tawh a ni.
Chief Minister Conrad K. Sangma kaihhruai NPP te hian inthlan hnuhnung ber khan seat 26 an la a, kum 2018 inthlanah kha chuan seat 19 chauh an la thung a, kum ruka upa People’s Democratic Front (PDF) te chuan seat hnih an la thung.
NPP national president Sangma chuan PDF te nena inzawm hi tumin a aupui reng tawh a, kum nga lai an inrimtawn hnuah an inzawm ta a ni.
“Kan love story hi a intanna a rei tawh a, May 6 khan kan innei ta a ni. Ngaihdan leh thlir dan, tum leh thlirna in ang nei kan ni,” tiin PDF chief Gavin Miguel Sylliem chuan a sawi.
Mylliem hi PDF legislator pahnih zigna pakhat a ni a, a dang pakhat chu party working president Banteidor Lyngdoh a ni thung.
PDF tena ngiat an neih erawh a awm a, chung zingah chuan inner-line permit (ILP) neih te, Assam nena boundary chinfel te, Eight Scheduled-ah Khasi tawng dah te pawh a tel a, hengte hi Sangma leh Mylliem te chuan hming an ziah hnan a ni.
ILP hi temporary travel document niin Indians dangte pawhin northeast an tlawh dawn abikin Arunachal Pradesh, Manipur, Mizoram leh Nagaland an luh theih nana an neih ngei ngai a ni.
NPP te chu national party paruk zinga pakhat an nih thu sawiin Sangma chuan Manipur-ah MLA pasarih nei bawkin network tha tak an neih thu a sawi.
Meghalaya-ah NPP leh PDF te inthlunzawm
Get real time updates directly on you device, subscribe now.
Prev Post
Next Post