Mercedes-AMG GT 63 S E Performance

Mercedes-AMG GT 63 S E Performance
Mercedes kutchhuak zinga E Performance badge nei hmasa ber chu GT 63 S E Performance hi a ni. He four-door coupe hian 4.0 litre, V8 engine leh, 204 hp electric motor a nei tel. Mercedes-AMG GT 63 S E Performance hi AMG an siam chhuah tawh zawng zawng chak ber a la ni a, 843 bhp leh 1400 Nm torque pechhuak thei a ni. 6.1kWh lithium-ion battery a nei tel a, hei vang hian electric chauh hmang pawhin a tlan thei. He car hi India-ah an tlangzarh dawn tih company lamin an puang chiang ta a, a man tur erawh an la puang lo.
He car hian Panamericana grille lian tha tak neiin, a hmalam hniam deuhah a engine chhem tura thli luh tur kua lian deuh tak pathum a nei bawk. Multibeam LED headlamp neiin, khawlaia a tlan vel pawh mit la zar tur a ni a, han en reng reng pawhin a chak dawn tih a hriat nghal hliah hliah thei a ni.
A body hi GT four-door coupe design nen a inang a, a sei tha viau a, 5054mm a sei, 1,953m m a hlai, 1,447mm a sang niin, a wheelbase pawh 2,951mm a zau a ni. 21-inch alloy neiin, Michelin Pilot 4S tyre a hmang bawk. A hmalam splitter leh side skirt leh a hnunglam diffuser leh headlamp insert te pawh carbon fibre hman a ni bawk.