Messi hoa Argentina squad thar chu le…
Messi hoa Argentina squad thar chu le…
2026 World Cup khel turin inhlangkai tawh mah se season a thar a, Argentina national team pawhin South American qualifiers-a Venezuela leh Ecuador an la hmachhawn tur atan Nilaini khan 31-man squad thar an puang a, an thiampuipa leh captain Lionel Messi pawh a tel leh vang mai!
He squad tharah hian young Argentine talent an tih ang chi kha hmuh tur an awm nawk a, chu’ng zingah chuan Manchester City striker Claudio Echeverri, Porto midfielder Alan Varela leh Real Madrid lei thar Franco Mastantuono an tel.
Coach Lionel Scaloni chuan a vawi khatna atan striker Jose Manuel Lopez pawh Brazilian club Palmeiras atangin a senglut ve ta bawk.
Argentina hian thla thar September ni 4 khian Buenos Aires khuaa an khelmual ropui Monumental Stadium-ah Venezuela an mikhual dawn a; ni nga hnuah Ecuador chu Guayaquil khawpuiah an luhkhung zui leh ang.
Nakkum World Cup khel tura tling chiang tawh Albiceleste hian point 35 hum chungin qualifiers hma an hruai mek a, anmahni hnaihbertu Ecuador lakah point 10-a sang tawhin, pathumnaah Brazil an awm ve leih leih!
Argentina squad:
Goalkeepers: Emiliano Martinez, Walter Benitez and Geronimo Rulli
Defenders: Cristian Romero, Nicolas Otamendi, Nahuel Molina, Gonzalo Montiel, Leonardo Balerdi, Juan Foyth, Nicolas Tagliafico, Marcos Acuna, Julio Soler and Facundo Medina
Midfielders: Alexis Mac Allister, Exequiel Palacios, Alan Varela, Leandro Paredes, Thiago Almada, Nicolas Paz, Rodrigo De Paul, Giovani Lo Celso, and Valentin Carboni
Forwards: Claudio Echeverri, Franco Mastantuono, Giuliano Simeone, Angel Correa, Julián Alvarez, Nicolas Gonzalez, Lionel Messi, Lautaro Martinez and Jose Manuel Lopez