MFA Womens’ League 2023-24

Naktuk, Zirtawpni, April ni 12, 2024 atang hian MFA Womens’s League Season 3 chu AR Lammualah khelh tan a ni dawn.
Season thumnaah hian club paruk – Lalhmachhuani Memorial FC (Ramhlun South), 1215’S (ITI VENG), Friends Club (Kolasib), Kulikawn FC, SYS ‘A’ team leh Mizo Football News FC (Laipuitlang)-te an inel dawn a; vawikhat theuh an inkhel chhuak ang a, a sang paliin semi-final an lut ang.
MFA Women’s League 2023-24 season-ah a hnuaia tarlan ang hian lawmman tur ruahman a ni.
League match-a chak zawkin Rs. 1,500 zel an dawng ang a, chak loin Rs. 1,000 hum hawin, draw match a nih chuan team pahnihin Rs. 1,000 ve ve an dawng ang.
Champion team kutah Rs. 50,000 leh trophy lutin, runners up tan Rs. 20,000 leh trophy dah a ni a; fairplay team can atan Rs. 5,000 leh trophy serhhran a ni bawk.
Final lut zo lo semi-finalist team pahnihin Rs. 5,000 ve ve hawnin, mimal lawmman best player tan Rs. 2,000 leh trophy dah a ni a, top scorer pawhin Rs. 2,000 leh trophy bawk an dang ang.