Mi 24000 changin tar pension la

Kum 60 chung lamin tar pension (aold age pension) an la thei a, Mizoramah mi 24,524-in tar pension hi an la mek.
Tar pension hi kum 60 leh 79 inkarte’n Rs 1200 an la a, state-in Rs 1000, sorkar laipuiin Rs 200 a tum. Kum 80 chung lamin Rs 1500 an la a, state-in Rs 1000, sorkar laipuiin Rs 500 a tum a ni.
Budget Session liam taah khan ziaka chhan chi zawhnaah social welfare minister-in tar pension hi 2025 June thleng pek a nih thu a sawi.
“Ministry of Rural Development lamin 1st quarter of FY 2025-2026 (April to June) chauh pawisa an la release avangin April to June chiah pek tlak theih a la ni,” tiin pek tlak a la nih loh chhan a sawi.