Mi pa ngaihzawn ching te engtin nge i tih ang?

Hmeichhe thenkhat mi ngaihzawng emaw nupui nei tawh emaw te pawh pawisa chuang lo, an duh zawng a nih chuan han chet meh pui deuh pawh hreh lo an awm ve tlat. Chutiang hmeichhia te chuan i inrintawkna pawh i hloh vek theihna tur khawpa chet pawh an hreh lo. Chutiang boruak chu i tawng ve a nih chuan engtin nge i tih ang? Relationship lama mithiam ten tih dan tur tha ni a an sawi te kan rawn tarlang e.
1. A pawisawi lo tawk velin i pasal/ngaihzawng chu a rawn flirt pui a ni mai thei, mahse, meng kar la, a chet dan uluk takin thlithlai ang che. I kawppui bula awm tam theih dan te kha a ngaihtuah em, tih te pawh chik rawh.
2. Mipa chu mipa an ni a, hmeichhe dangin an lo duh ve ni a a lan te hian nuam an ti ve tlat. Anin amah rawn bem-tu chu a lo duh let ve kher lo a nih pawhin chu hmeichhiain a rawn chhai vel dan chu nuam i ti lo tih hriattir rawh.
3. Chutia hmeichhe dangin i ngaihzawng an rawn bem ve takah chuan him lo riaua inhriatna te pawh i nei thei, mahse, chu chu lan chhuah tir hauh suh la, i ngaihzawng rawn bem vetu phei chu hriattir maih suh. Hmeichhe thenkhat chuan kawppui nei tawh mipa han tih kual vel a, an laka thunei ang taka lan te hi nuam an ti ve riau a. Chuvangin, mahni inringtawk takin awm la, a thuneitu zawk i ni tih lan tir ang che.
4. Hetiang hunah hian kawppui te rin zawh harsa kan ti thin, mahse, i pasal/ngaihzawng chu ringtawk la, amaha i rinna chu hloh suh. Chu chu amah pawh hriattir ngei ang che. Mangangin talbuai phili chung lo la, mahse, i pasal/ngaihzawng pawh chu a chet dan zawng zawng uluk takin thlithlai ru reng ang che.