Mi pahnih seh hlumtu sakei man

Sakei nu, mihring pahnih seh hlumtu nia sawi chu Rajasthan-a Ranthambore-a khualbuk chhungah Nilaini khan man a ni.
Sakei hi khualzinte tana siam khualbukah hian a biru a, kah muthilh a nih hnuah man a ni a, national park-a hung bik chhungah dah nghal a ni.
Kum hniha upa sakei nu hi thla hmasa khan Ranthambore National Park atangin a vak chhuak a ni.
Nilaini zing dar 06:00 vel khan miin Ranthambore kawnga Kutalpura khuaah an hmu a. Pathianni khan forest ranger beiin a tihlum a, April thla khan naupang kum sarih mi a tihlum tawh bawk.
Hmuh a nih hnuah hian police leh forest department hriattir nghal an ni a. Forest Department team an thlen hma hian darkar thum vel lo velah a awm hman a. An zim hnuah khualbukah hian a lut a, tui chenna hmun bulah a thu zui ta a ni.
“Khualbuka thlengte chu pawn chhuak lo turin kan ti a. Puan in changkang leh tui chenna lai velah a tel kual a. A hnuah kan mi mal cottage phenah a awm zui ta a ni,” tiin khualbuk manager chuan a sawi.
Forest Department team an thlen hian an kap muhil a, manin a awmna turah an dah zui ta a ni.