Mi tha nia hriat chhawpchhuak
Minister Lalthansanga chuan an party ZPM-in local council leh village council inthlan turah mi tha nia nia an hriat, khawtlang rawng bawl turin candidate atan an chhawpchhuak tih a sawi.
Aizawl East-I bialtu MLA ni bawk Lalthansanga chuan a bial chhung veng hrang hranga party hruaitute hun a hmanpuinaah, politics chu mahni inhaivurna atan ni loin, ram leh hnam tana rawngbawlna a ni tih hriat reng a tul a, kawng engkimah Pathian dah hmasak nachang hriat a pawimawh tih a sawi. “LC/VC inthlan turah pawh ZPM party chuan mi tha nia kan hriatte khawtlang rawngbawl turin candidate atan kan chhawpchhhuak a, Mizoram hmun hrang hrangah sawrkar lai thawhpui theitu tur rulling VC thlangtling turin mipui kan sawm a ni,” a ti.
Chief minister Pu Lalduhoma’n kum 40 dawn a lo vahvaihpui tawh leh a lo zirchian tawhte a taka ti thei turin Pathian leh Zoram mipui zarah ZPM party chuan sawrkarna an chelh ta a. Sawrkar hmasa leiba tam tak an chhawm avangin suma insawhngheh kum (Year of Consolidation) hial puan ngaiin an awm a. Chuti chung chuan, healthcare bill ba tam tak an rul a, power bill ba zawng zawng rulin, a hun takah eng chhit man an pe zat zat thei ta a. Pensionary charges cheng vaibelchhe 1278, GPF cheng vaibelchhe 782 pekchhuah hman a ni tih a sawi.
Eizawnna kawnga bana kaih ngaite tan policy ruahmanna ni a, hetah hian kuthnathawktute thlai thar lei turin an inbuatsaih mek tih sawiin, “Entrepreneurship Handholding Scheme leh CM Special Package chu mahni kea din ve duh, bana kaih ngaite tan ruahmanin, ram economy siamthat kan tum a ni, Zoram mipui tan a tha thei ang ber tur zelin ro kan rel dawn a, nghet takin kan ding tlat dawn a ni,” Lalthansanga hian a ti.
Mi tha nia hriat chhawpchhuak
Get real time updates directly on you device, subscribe now.
Next Post