Serchhipah intlar ngai lo PS
Serchhip district election office ruahmanna in kumin village council inthlanpui neih turah Govt. Primary School Field Veng Polling Station chu ‘model polling station’ atan duan a ni a. YMA Field Veng Branch leh village level officer-ten Field Veng Polling Station-a mipui intlar thui ngai lo (Queueless Polling Station) turin vote thlak hun an ruahman lawk.
Ruahman ang chuan, vote thlak tan hun zing dar 7 atanga zing dar 8.30 inkar chu nitina inhlawh/ hnathawk a chhuah ngei ngei ngai tan bika dah niin, hetiang mi hi serial number -50 inkarah khung len a ni. Hemi hnu atang hian serial number indawt chhoh dan zelin vote thlak theih hun darkar bituk siam zel a ni.
Vote thlak dan tur siam piahlamah kum upa lam (70 leh a chunglam), tar chak tawh lo, pianphunga harstna nei hruai ngai (Person with Disability) leh pawimawhna bik nei chu vote thlak tura polling station an thlen hun huna vote thlak nghal zel thei tura ruahman a ni bawk.
Engemaw harsatna vang emaw remchan lohna vang emawa vote thlak hun tura ruahmanna siam hun (time slot) a vote thlak hman lo pawhin a hman remchan hunah vote a thlak thei dawn a ni.
Serchhipah intlar ngai lo PS
Get real time updates directly on you device, subscribe now.
Prev Post