Mi tihhmingchhiat thubuaiah Gandhi-a bail phalsak

Mi tihhmingchhiat thubuaiah Gandhi-a bail phalsak
Congress hruaitu, Lok Sabha-a Leader of Opposition Rahul Gandhi-a chu Thawhlehni khan Lucknow-a MP-MLA court chuan bail-in a chhuah.
Gandhi-a hi kum 2022-a Bharat Jodo Yatra a neih laia thu a sawinaah Indian Army tihmingchhe zawnga sawia puhna avanga thubuai nei a ni.
“Vawiin khan Rahul Gandhi-a chu Lucknow-a MP-MLA court-ah a inlan a. Bail dilna kan thlen a, court chuan Rs 20,000 ve ve surety daha chhuah lailawk a phalsak a ni,” tiin a dan hre mi, Mohd Yasir Abbasi-a’n ANI a hrilh.
A hma lama thubuai ngaihtuahnaa Gandhi-a a inlan loh thin chungchang zawhna chu dan hre mi chuan court-hg hian a inlan theih lohna chhan chiang tak an thehlut thin a, Leader of Opposition a nih avangin a inlan hman reng lo tih an thlen tih a sawi.
“Court pawhin kan sawi fiahna a pawm a, hei vang hian manna tur thupek pawh a la chhuah miah lo va, kohva inlan ngei tura a tih a nih erawh chuan a inlan mai a ni,” a ti bawk.
Gandhi-a hi kum 2022-a kea India ram a fan tum khan a thu sawiah Indian Army sipaite deusawh zawngin thu a sawi nia puh a ni a. A puhtu hian a thil sawi chu mi tihhmingchhiatna leh sipaite rilru tihnual thei niin court-ah hian a thlen a ni.
Thubuai thehluh a nih ang hian court pawhin Gandhi-a hi a ko va. August 13, 2025-ah ngaihtuah leh tura thu dah a ni bawk.