Miami Open result lawrkhawm

Miami Open result lawrkhawm
Hmeichhe singles draw lamah 18th seed Ekaterina Alexandrova chuan Swiss ninth seed Belinda Bencic lakah 7-6 (10-8) 6-3 hnehna changin, Alexandrova hian fourth round lamah 6-4 6-4-a Sofia Kenin paltlangtu Canadian Bianca Andreescu a tum leh.
Second-seeded Australian Open champion Aryna Saba-lenka pawhin a Czech tumpui 31st seed Marie Bouzkova lakah 6-1 6-2 hnehna nuamsa changin, 7-6 (7-4) 6-3-a Madison Keys hnehtu 2021 French Open champion Barbora Krejcikova lakah fiahna hraw zawk a hmachhawn zui leh.
Czech 17th seed Karolina Pliskova pawh a chipui Marketa Vondrousova chuan 6-1 6-2-in a sawp.
Indian Wells final-a Daniil Medvedev hneh chunga world number one luahkir hlimhlawt Carlos Alcaraz chuan mipa singles lamah Pathianni khan 6-0 7-6 (7-5)-a Dusan Lajovic hnehin Miami Open last 16 a lut a, Spanish defending champion hian American Tommy Paul a hmachhawn leh ang.
Kum 19 mi Alcaraz hian kum-ina match 17 a khelh tawhah tum 16 chakin, a tournament khelh hnuhnung pahnihah set a la hloh lo a, ranking-a a ler luah chhunzawm turin Miami khaw tournament-ah hian a title kawl lai a humhim a ngai dawn.
Inkhel dangah Dutchman Botic van de Zandschulp chuan 3-6 6-4 6-4-in Norwe-gian third seed Casper Ruud a hneh ve bawk.
Inrinni lamah ‘upset’ hmuh tur awm nualin, a hnu lamah erawh men’s seed luahtu Andrey Rublev, Holger Rune leh Taylor Fritz-te’n rinkai zawk ni chungin hnehna an chang.
Russian sixth seed Rublev chuan Serbian Miomir Kecmano-vic lakah 6-1 6-2 hnehna awlsam changin, seventh seed Rune pawhin 6-4 6-2-in Diego Schwartzman of Argentina a paltlang ve bawk.
Dane Rune hian 6-4 6-4-a Canadian Denis Shapovalov hnawtchhuaktu American ninth seed Fritz chu fourth round lamah a tum leh ang.
Fourth seed Daniil Medve-dev pawh a tumpui tur Alex Molcan a inhnuhdawh avangin inkhel hah loin a tlang.