Michael Jackson ‘They Don’t Care About Us’-in 1B view kai

Michael Jackson ‘They Don’t Care About Us’-in 1B view kai
Michael Jackson music video hriat hlawh tak, protest anthem, 1996-a Brazil-a an siam ‘They Don’t Care About Us’ YouTube-ah vawi tluklehdingawn en a hlawh ve ta. He hla hi MJ studio album pakuana ‘HIStory: Past, Present and Future, Book I’ atanga a single a ni.
He music video hi Spke Lee direct niin, Jackson hian Brazil khawlai a suartluan a, Brazilian naupang leh tleirawl rual khuang lian tak tak vua te nen an inlan a, jail-ah te, Ku Klux Klan, Tiananmen Square-a Chinese ten lungawi lohna an lantir lai te leh khawvel hmun hrang hranga human rights bawhchhiatna nasa te tarlan a ni.
He music video a siam dawn hian buaina neuh neuh pawh a tawk a, Brazil sorkar chuan Rio de Janeiro leh Historic Center of the city of Salvador, Pelourinho an tihah te pawh video siam hi an phal sak lo nghe nghe a ni.
Michael Jackson te lar vanglai hi mi nawlpuiin internet kan la hmelhriat hma, YouTube te la awm hma kha a ni a, chuvangin a music video te pawh YouTube-a entu ngah ber ber a ni pha lo va, ‘They Don’t Care About Us’ i a music video YouTube-a vawi tluklehdingawn en hlawh theih pahnihna niin, ‘Billie Jean’ music video hnung a zui ve ta a ni.