Billboard Artist 100-ah Morgan Wallen a No.1
Morgan Wallen chu Billboard Artist 100 chart-ah a No.1 a, he chart-a a No.1 tawh zawng zawng chu kar 13 a tling ta a, he chart-a No.1 nih ngunah 10-na a ni pha ta bawk.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga an hla leh album hralh tam dan te, streaming leh radio airplay te chu tehna pawimawh a ni.
Morgan Wallen hian a album ‘One Thing at a Time’ a la hralh tha viau a, kar khat chhunga copy 1,66,000 hralh lehin, a kar sarih nan Billboard 200 (albums) chart-ah a No.1 a, a album hmasa ‘Dangerous: The Double Album’ pawh Billboard 200-ah hian top 10-ah la langin, No.5 a ni bawk. Hei bakah hian a hla 12 te chu Billboard Hot 100 chart-ah langin, chung zingah hian kar thum No.1 tawh ‘Last Night’ chu No.2 a la ni thei a, hengte avang hian Artist 100-ah pawh a No.1 leh ta a ni.
Morgan Wallen hi Artist 100-ah hian kar 13 a No.1 tling ta a, Billie Eilish kalpelin, amahin he chart-a No.1 nih ngunah 10-na a ni ta. A hma cuan Billie Eilish nen vawi 12 ve ve No.1 ni tawhin 10-na an ni dun a, tunah chuan Billie hi a kalsan ta a ni.
Artist 100 chart-a No.1 ni ngun tawh ber chu Taylor Swift niin, kar 64 a No.1 tling tawh a, Drake (37), The Weeknd (28), BTS (21), Adele (20), Ariana Grande (15), Justin Bieber (14), Post Malone (14), Ed Sheeran (14) leh Morgan Wallen (13) ten an dawt a ni.
Hetihrual hian Metallica pawh No.35 atangin No.2-ah a invawrh a, anni pawhin an album thar ’72 Seasons’ hralh that zar an zo a ni. He album hi 1,46,000 hralhin Billboard 200 chart No.2-ah an debut a, hei hian Artist 100 chart-ah pawh a vawrh sang ta a ni.
-- Advertisement --
Billboard Artist 100:
1 Morgan Wallen
2 Metallica
3 Taylor Swift
4 SZA
5 Luke Combs
6 Ice Spice
7 Drake
8 The Weeknd
9 Nicki Minaj
10 Miley Cyrus