Mike Dean a chawl dawn

EPL-a referee hriat hlawh tak Mike Dean chuan match official hna a chawlhsan tawh dawn a, Professional Game Match Officials Limited (PGMOL) chuan Mike Dean an thlahliam tur thu an sawi.
Mike Dean hian kum 1985 atang khan match official hna a thawk tan a, kum 10 chhung zet chu football league-ah hun a hmang hmasa. Kum 2000 atang khan English Premier League a zawm a, EPL-ah referee hriat hlawh ber pawl a ni. Kum 2021-22 season tawp rual khan ham rik hama inkhel enkawl hna chu a chawlhsan tawh a. 2022-23 season chhung khan Video Assistant Referee (VAR) viltuah a tang chhunzawm a. Heng VAR viltuah pawh tan chhunzawm lovin a chawl tawh dawn.
Premier League-ah hun a hman chhungin Mike Dean hian inkhel 550 chuang a enkawl hman a, red card vawi 114 zet phawrhin, English top-flight referee zinga red card phawt hnem ber a ni a, yellow card pawh vawi 2,026 lai a phawrh. Card phawrh mai a sam bakah penalty pek a awlsam tel bawk a, penalty vawi 184 pein, EPL referee zingah penalty pe hnem ber a ni nghe nghe.