Miley Cyrus ‘Flowers’ a la lar ber

Miley Cyrus ‘Flowers’ a la lar ber
Miley Cyrus hla hit ‘Flowers’ chu Billboard Global 200 chart-ah a No.1 a, he chart-a a zawn ni kher lo va kar 10 a No.1-na a ni ta a, hetihrual hian Jimin ‘Like Crazy’ pawh chart No.2-ah a debut a, Yng Lvcas leh Peso Pluma ‘La Bebe’ chu No.6-ah a invawrh thar ve ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian official-only streams )subscription leh ad-supported audio leh video music services) leh download sales te chu tehna pawimawh a ni.
Miley ‘Flowers’ hi stream maktaduai 87.7 leh download sales 22,000 niin a kar 10 nan chart No.1 a ni a, he chart-a hla pakhat hmanga kar 10 chin No.1 thei palina a ni. He chart-a kar 10 chin No.1 thei hla dang te chu Harry Styles ‘As It Was’ (kar 15, 2022), Mariah Carey ‘All I Want for Christmas Is You’ (kar 13, 2020-2023) leh The Kid LAROI and Justin Bieber ‘Stay’ (kar 11, 2021) te an ni.
BTS member Jimin hla thar ‘Like Crazy’ chu stream maktaduai 71.2 leh download sales 86,000 niin, No.2 a ni a, BTS member zingah he chart-a solo artist anga thleng sang thei ber a la ni, BTS member zingah Jung Kook nen he chart-a top 10 kai thei hla pahnih nei thei pahnih an ni ta bawk. Jimin hian a hla ‘Set Me Free, Pt. 2’ chu top 10 a lo kaipui tawh bawk a ni. BTS member zingah SUGA pawhin he chart-a top 10 kai thei hla pakhat a lo nei tawh bawk.
Yng Lvcas leh Peso Pluma ‘La Bebe’ chu stream maktaduai 61 leh download sales 1,000 neiin, No.21 atangin No.7-ah a invawrh a, he chart top 10-a an vawi khat lanna ve ve a ni a, an pahnih hian Mexican artist zinga he chart top 10-a lang thei hmasa ber an ni bawk.
Rosalia leh Rauw Alejandro ‘Beso’ chu stream maktaduai 50 leh download sales 3,000 neiin, No.10-ah a debut a, Spanish singer Rosalia leh Puerto Rican artist Alejandra tan he chart top 10-a lang thei hla pathum an neihna ve ve a ni bawk.

Billboard Global 200 Too 10:
1 Flowers – Miley Cyrus
2 Like Crazy – Jimin
3 Die For You – The Weeknd & Ariana Grande
4 TQG – Karol G x Shakira
5 Kill Bill – SZA
6 Calm Down – Rema & Selena Gomez
7 La Bebe – Yng Lvcas x Peso Pluma
8 Boy’s A Liar, Pt. 2 – PinkPantheress & Ice Spice
9 Last Night – Morgan Wallen
10 Beso – Rosalia & Rauw Alejandro