Miley Cyrus ‘Flowers’ a lar ber
Miley Cyrus hla hit ‘Flowers’ chu Billboard Global 200 chart-ah No.1 niin, he chart-a kar 11 a No.1-na a ni ta. Hetihrual hian BLACKPINK member Jisoo pawh top 10-ah langin, BLACKPINK member zinga he chart top 10-a lang thei pathumna a ni a, Eslabon Armadoleh Peso Pluma te pawh top 10-ah an lang.
Billboard Global 200 chart hi kar khat chhunga khawvel huapa hla lar dan tehna a ni a, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Miley Cyrus ‘Flowers’ hi stream maktaduai 108.7 leh download sales 21,000 tling lehin, chart-ah a No.1 leh a, he chart-ah hian a zawn ni kher lovin kar 11 a No.1 tling ta a, The Kid LAROI leh Justin Bieber te hla ‘Stay’ nih rualin, he chart-a hla pakhat hmanga No.1 nih reiah pathumna a ni ve ta. He chart-a hla No.1 ni rei thei ber chu Harry Styles ‘As It Was’ niin, kar 15 a No.1 thei a, a dawttu chu Mariah Carey ‘All I Want for Christmas Is You’ niin, kar 13 a No.1 tawh bawk.
BLACKPINK member Jisoo hla thar ‘Flower’ chu No.2-ah a debut a, BLACKPINK member pali zinga he chart-a mimal anga chart top 10-a lang thei pathumna a ni. An member dang Rose ‘On the Ground’ chu 2021 khan No.1 a kai a, hemi kumah vek hian Lisa ‘Lalisa’ chu No.2 a kai bawk.
Group angin BLACKPINK hian he chart-a top 10 kai thei hla pali an nei tawh a, chung zinga hla pahnih ‘Pink Venom’ leh ‘Shut Down’ te chu No.1 an kai ve ve a ni.
The Weeknd leh Ariana Grande ‘Die for You’ chu No.3-ah a la awm a, BTS member Jimin ‘Like Crazy’ chu No.2 atangin No.4-ah a tawlh a, Rema leh Selena Gomez ‘Calm Down’ chu No.6 atangin No.5 a kai thar ve leh ta bawk.
He chart-ah hian Eslabon Armado leh Peso Pluma ‘Ella Baila Sola’ chu stream maktaduai 63.9 leh download sales 1,000 tlingin No.10-ah a debut a, quartet Eslabon Armado hi he chart top 10-a an lan vawi khatna a ni a, Peso Pluma tan a vawi hnihna a ni ve thung.
Miley Cyrus ‘Flowers’ a lar ber
Get real time updates directly on you device, subscribe now.
Next Post